Vaša poruka je uspješno poslata!

POŠALJITE ZAHTJEV

Ako imate neka pitanja, pozovite nas!
(+382) (0)68 888 864

Napomena: Vaša rezervacija nije potvrđena ukoliko nije drugačije navedeno.

Imam bayildi – gurmanski biser grada

Share

Imam bayildi, gurmanski biser, jedan je od najpoznatijih specijaliteta turske kuhinje. Riječ je o jelu koje su donijeli Turci, ali koje se u postojbini više ne sprema. Lokalno stanovništvo je sačuvalo recept i danas sprema ovo jelo od plavog patlidžana u maslinovom ulju. Imam bayildi može da se služi i kao toplo i kao hladno predjelo. Ne samo što je odličnog ukusa, nego ima i bogatu priču za uživanje.

Priča o imam bayildi se prenosi sa generacije na generaciju i svjedoči o imamu koji je bio poznat po dobrom apetitu i ljubavi prema hrani. Naime, jednog dana imam je pozvao svoje prijatelje u čast proslave vjeridbe sa prelijepom kćerkom bogatog trgovca maslinovim uljem. Kao miraz imam je dobio najkvalitetnije maslinovo ulje a priča se da su boce bile veličine čovjeka. Nakon vjenčanja mlada djevojka je vrlo brzo otkrila svoje talente u kulinarstvu, te je svakog dana spremala novo jelo za svog supruga koji je bio veliki gurman. Punjeni  patlidžan u maslinovom ulju je bilo njegovo omiljeno jelo koje mu se spremalo svako veče. Budući da je bila dobra supruga, ona je spremala ovo jelo dvanaest dana zaredom. Trinaesti dan kada je imam sjeo da večera, njegovo omiljeno jelo nije bilo na stolu… Iznenađen time zapitao je svoju suprugu šta je razlog tome da bi dobio odgovor da maslinovog ulja više nema. Šokiran tom viješću imam se onesvjestio. I tako, od tog dana njegovo omiljeno jelo je poznato kao ”imam bayildi” (onesvješćeni imam).